ഒന്നുമില്ല .. വെറുതെ ...

നിൻ കണ്‍പീലി കോണുകളിൽ പലപ്പോഴും

 ഞാൻ എന്നെ തന്നെ  തിരയാറുണ്ട് 

പണ്ടെപ്പോഴോ ഞാൻ എന്നെ അവിടെ കണ്ടിരുന്നു 

പലപ്പോഴും പ്രകടിപ്പിക്കാതെ പോകുന്ന സ്നേഹത്തിൻ

ആഴം എത്രയാണെന്നു ഞാൻ വെറുതെ ചിന്തിക്കാറുണ്ട് 

ആ ചിന്തകളിൽ ഒരു നോവ്‌ കലർന്ന സുഖമുണ്ട് 

ഒന്നും പറയാതിരിക്കുമ്പോൾ ആണ് നീ 

ഏറ്റവും  ഭംഗിയായി സംസാരിക്കുന്നത് എന്ന സത്യം 

പലപ്പോഴും ഞാൻ മറന്നു പോയിട്ടുണ്ട് ;ക്ഷമിക്കു 

ഒന്നും ഞാൻ ആവശ്യപ്പെട്ടിട്ടില്ല,ഇനി ആവശ്യപെടുന്നുമില്ല 

ഒരു താങ്ങായി നീ നിൽക്കണം എന്നല്ലാതെ 

വാക്കുകൾ പലതും തെറ്റിയിട്ടുണ്ട്; ഒന്നു കൂടെ ക്ഷമിക്കു 

ഈ ശ്വാസം നിലക്കും വരെ കൂടെ ഞാൻ കാണും 

എന്ന വാക്ക് ഞാൻ തെറ്റിക്കില്ല സത്യം 

ആ നെടുവീർപ്പുകളുടെ അർത്ഥം മനസിലാക്കാൻ 

എനിക്കേ കഴിയൂ ,കഴിഞ്ഞിട്ടുള്ളൂ 

എന്നെ വിശ്വസിക്കാൻ ഞാൻ പറയില്ല 

നിർബന്ധിക്കാനും എനിക്ക് പറ്റില്ല 

അത് ഈ ജീവിതം കൊണ്ട് എനിക്ക് തെളിയിക്കാനുള്ളതാണ് 

ആ കണ്ണുകളിൽ നിന്നും ഒഴുകിപോയ കണ്ണീരിനു 

പകരമായി തരാൻ ഈ കൈകളിൽ ഒന്നുമില്ല ഈ ജീവിതമല്ലാതെ