സർവ്വം പ്രണയം !

നിൻ മിഴിയിണയിലെ തിളക്കം കണ്ടു 

ഉണരുമൊരു പുലർകാലം ആണ് എൻ സ്വപ്നം 

ആ പ്രഭാതത്തിൻ പൊൻ കിരണങ്ങളെക്കാൾ 

തെളിർമ നിൻ ചെറു ചിരിയിൽ കാണണം  എനിക്ക് 

ഒരു കൊച്ചു കുഞ്ഞിൻ മനസ്സോടെ 

എൻ മാറിൽ പറ്റി ചേർന്ന് കിടക്കണം നീ 

ഈ ലോകത്തിലേ മുഴുവൻ സന്തോഷവും 

ഒരു നിമിഷമെങ്കിലും നിൻ മുഖത്ത് കാണണം ഞാൻ 

ഈ പാഴ് ജന്മത്തിൻ ജീവിത സാഫല്യം നീയാണ് 

എന്ന് ആ തിളക്കം കണ്ടു കൊണ്ട് പറയണം എനിക്ക് 

നീയാണ് എൻ സർവ്വവും എന്ന മോഹിപ്പിക്കുന്ന 

വാക്കുകൾ എൻ കണ്ണിൽ ഒരു ഉമ്മ തന്നു 

പറയുന്നതും ഞാൻ ഇന്ന് സ്വപ്നം കാണുന്നു 

ഒടുവിൽ നിന്നോട് ചേർന്ന് ഒന്നായി 

ഈ മണ്ണിനോട് ചേരണം എനിക്ക് 

ഒരു ഇലത്തുമ്പിൽ നിന്നും ഭൂമിയിലേക്ക് 

വീണലിയുന്ന മഴതുള്ളി പോലെ 

ഒരു പുൽക്കൊടിയിൽ തന്നെ അലിഞ്ഞു 

ചേരുന്ന ഒരു മഞ്ഞു തുള്ളി പോലെ